РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Антон Янкоўскі
Вершы
Кантэкстны тлумачальны слоўнік
*  *  *
Каплічкі ды касцёлы,
Дзе ў цішыні схаваны
Малітвы нашых продкаў, –
Навечна зруйнаваны!
 
І не спыніць навалы,
Зямля дрыжыць ад болю,
З падбітымі крыламі
Буслы жывуць ў няволі.
 
А звонку крывапіўцы
Зламанымі крыжамі
Утоптваюць зямліцу,
Нібы варонаў зграя.
 
І стогне наваколле,
Падняцца сіл не мае,
А у касцёльным звоне
Ўзрастае моц людская
 
І рэхам разбурае
Савецкія законы –
Малітва адраджае
Каплічкі ды касцёлы.
 
2010
 
 
 
 
Падабаецца     Не падабаецца
2009–2020. Беларусь, Менск.