РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Антон Янкоўскі
Вершы
Кантэкстны тлумачальны слоўнік
*  *  *
Ніхто ні ў чым не вінаваты,
Такі наш лёс, такая карма:
Усё выносіць з роднай хаты,
Затым здаваць бутэлькі ў краму.
 
Такі наш лёс: ісці кагалам
І моўчкі зносіць прыніжэнні.
Схаваны гонар пад курганам,
А ўсе курганы – на знішчэнне.
 
Ў паперах не знайсці адказу –
Ўсё ў перапіс занатавалі,
Нібы традыцыі адразу
Ўсе трактарамі зруйнавалі.
 
І хочацца смяяцца слёзна
З навінаў на тэлеэкране,
Дзе кажа дзядзечка сур’ёзна,
Што нас алкагалізм знішчае.
 
Зноў крочыш па пустой дарозе,
На ростанях стаіш што ранак.
Сумленне вінен замарозіць,
Каб у жыцці знайсці прыстанак.
 
Ды раніцай ля ціхай рэчкі
З гарачым кубачкам гарбаты
Прыходзіш да высновы вечнай:
Ва ўсім мы самі вінаваты!
 
2010
 
 
 
 
Падабаецца     Не падабаецца
2009–2020. Беларусь, Менск.