 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Асцярожна,
на скрыжаванні
пастка…
Пастка для птушкі – у клетцы,
для рыбы – на кручку,
для звера ляснога пастку стварае зграя сабак –
і ўсё гэта спланаваная людзьмі пастка,
таксама як і забойства
сябе падобных.
Людзі ствараюць грашовыя пасткі
і маральныя,
псіхалагічныя
і плеткарамі сатканыя –
і ўсё дзеля таго, каб перамагчы.
Ды не ведаюць яны,
а можа ўвесь час забываюцца,
што пастку рыхтуе
за паваротам альбо ля дзвярэй,
на ложку ці ва аўтамабілі
непрадказальнае наша жыццё:
сядзіць і смяецца з людзей,
што пасткамі мераюць
адлегласць да сумлення.
А пастка – гэта калі ў вочы
табе глядзіць смерць,
а ты не ведаеш
яе імя.
2006
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
