Згубіў на скрыжаванні мапу...
|
* * * Згубіў на скрыжаванні мапу І разгубіўся, як жа быць: Куды пайсці, Каго кахаць, Каму сказаць, Што заблукаў я на мяжы. Прадаў сумленне за “паесці”, Бо трэба жыць і трэба йсці, Губляць, чакаць, Шукаць, крычаць І зневажаць, Паліць запалкі ў цемнаце.
Надзеў на вочы акуляры, І вушы музыку пяюць. Навошта смех? І слёзы прэч! Жыццё і смерць – Вось ёсць пачатак і канец… Згубіў на скрыжаванні мапу, Ды ўжо забыўся, дзе і як, Куды ішоў, Чаго хацеў, Каго шукаў… Падняўся моўчкі і пайшоў Наперад…
2006
|
|