Аднойчы, ведаем, наступіць дзень,
Калі не варта будзе сумнявацца,
Чаго мы хочам і куды ідзем,
Ад Бога кім наканавана звацца.
Аднойчы прыйдзе гэтая пара,
Што загучаць над нашым краем песні,
Парвецца у паветры цішыня –
Магутным гімнам, палымяным вершам.
Аднойчы, ведаем, надыдзе час,
Калі па наваколлі разнясецца:
Прымусамі больш не настрашыць нас,
Бо мы – народ!
Мы – беларусамі завемся!
31.7.2011г
|
|
