РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Багдановіч
Вершы
Кантэкстны тлумачальны слоўнік
З цыклю «Эрас»
*  *  *
I
Ў космах схаваліся кветы
                                                        чырвоныя,
Кветы чырвоныя,
Неапылёныя.
 
Хцівасьць жаданьня іх томіць
                                                                  таёмная,
Томіць таёмная,
Сіла няскромная.
 
Але дарэмна ў іх сокі б’юць
                                                              шпаркія,
Сокі б’юць шпаркія,
Сьвежыя, яркія.
 
Зьвянуць яны, тыя кветы
                                                      чырвоныя,
Кветы чырвоныя
Неапылёнымі.
ІІ
Зірнуў, як між валос, між хмар калматых, цёмных
            Чырвоны маладзік
І ўраз згадаў мне рад уздыхаў прыглушоных,
            І мук любоўных крык,
І цела гібкага шалёнасьць, ізьвіваньне,
            І п’яны душны пах...
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
Ў грудзях сьціскаецца гарачае дыханьне,
            Кроў хваляй б’е ў нагах.
 
[1908-1909]
 
 
 
 
Падабаецца     Не падабаецца
2009–2019. Беларусь, Менск.