|
Oj, viadu biadu...
|
|
Pieśnia na vajacki ład
|
Oj, viadu biadu,
A biada mianie
Vodzić viečnym śledam;
Hetak chodzim my
Za adnym adno,
Jak toj dzied za dziedam;
Hej, pakłiču schod,
Dy źbiaru narod,
Dy źbiaru žaŭnieraŭ,
Chaj iduć vajnoj
Na maju biadu –
Na łichoha źviera.
Na moj kłič na schod
Hmin narodu jšło,
Šoŭ vajak z vajakam, –
Kožny śmieł, achvoč,
Bje advaha z voč,
Pole ŭsłałi makam.
Jak toj les, žaŭnier
La žaŭniera staŭ,
Zbroja ŭ soncy jhraje;
Zvaruchnuŭsia połk,
A za im – druhi,
Tolki ściah mirhaje.
Mach za krokam krok!
Vojska jdzie ŭ pachod,
Byccam taja chmura.
Až dryžyć ziamla,
Jak vajaki jduć.
Dy piajuć, jak bura.
Hej, vychodź biada,
Hej, vychodź, chto nam –
Niepryjaciel – vorah;
Pačastujem tak,
Što papomniš viek,
Dy satrom na porach.
Znaj, žaŭniery my,
Vyjšłi nie na žart
Bicca, vajavaci;
Znaj, chavałi nas
Pole, bor i łoh
Biełarusi-maci!
1920
|
|
