РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Дудзіцкі
Вершы
Кантэкстны тлумачальны слоўнік
Напярэймы жаданьням
Што-ж, снуюцца няхай сьмерці чорныя здані,
супыняцца прад імі ня трэба – ня варта;
трэба йсьці, як ішлі, напярэймы жаданьням
сьмела, мужна – ступою напорна-упартай.
 
Рана струны душы лашчыць музыкай часу,
песьняй дзікаю зброі сталёвай,
і пад радасьць чужую далонямі пляскаць,
калі б’ецца жывое праўдзівае слова.
 
Волю слову й душы даць павінны, няйначай,
песьню іншую прышласьці выкаваць трэба,
каб грымела яна па-над енкам і плачам
ад гразкіх каляін у блакітнае неба! 
 
Стрэнуць людзі тады песьню тую, бы дзіва,
возьмуць прагна, зь вялікай уцехай,
каб у краі жылі і спакой, і праўдзівасьць,
каб жыцьцё ацьвярозіць сярэбраным сьмехам.
 
А пакуль –
                        хай снуюць сьмерці чорныя здані,
супыняцца прад імі  ня трэба – ня варта;
трэба йсьці, як ішлі, напярэймы жаданьням
сьмела, мужна – хадою упартай!
 
1942
 
 
 
 
Падабаецца     Не падабаецца
2009–2020. Беларусь, Менск.