РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Анатоль Вярцінскі
Вершы
Кантэкстны тлумачальны слоўнік
*  *  *
Зноў шлак халодны.
                                  Толькі шлак.
Як быць з табой,
                            маё тварэньне?
Я б’юся, я шукаю шлях,
каб перадаць само гарэньне.
Гляджу – на шлак
                              наводзяць лак.
А вынік?..
                  Вынік зноў плачэўны.
Пад яркім лакам той жа шлак,
а не агонь –
                    жывы, сьвяшчэнны.
А Праметэй –
                        ён нёс агонь,
жывы агонь браў на далонь.
Як нам зрабіць, маё тварэньне,
каб ты было –
                        само гарэньне?
Не адыход
                  і не адгон,
а сам агонь.
 
 
 
 
Падабаецца     Не падабаецца Водгукі
2009–2019. Беларусь, Менск.