Гудзела, гуло ў маіх вушах. Гудзела, гуло ва ўсім маім целе. А зь целам была заадно і душа – суладна яны зьвінелі, гудзелі. Як мора у бераг, так біўся той гул ў мае барабанныя перапонкі. I мроіўся белы, рамонкавы луг: ад краю да краю бялелі рамонкі. Гудзела, гуло ў маіх вушах. Гуло і зьвінела ва ўсёй істоце. Гуло на высокай пранізьлівай ноце. I я зразумеў – о, шчасце! о, жах! – што значыць той гул, што значыць той луг. Я быў улюбёны. Я быў, як усе мы. I я, як зьвяно, уключаўся ў ланцуг любові, яе ўсепланетнай гістэмы...
|
|