РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Наста Кудасава
Вершы
Кантэкстны тлумачальны слоўнік
Вечар
Вечар прыходзіць жаданьнямі хворымі.
Вечар, як вечнасьць, – пакута і gloria.
Россыпы роспачы ў сэрцы зьняможаным...
Вечарам вера сьціраецца...
 
Божа мой!
Выратуй вырай мой,
Дом мой прымроены.
Хочацца міру. Мы
Хворыя войнамі.
 
Вечар праходзіць стагодзьдзямі смутнымі.
Вечнасьцю дыхае зброя атрутная.
Сэрца ад жаху балюча сьціскаецца...
Божа самотны! Дажыць бы да раніцы...
 
 
 
 
Падабаецца     Не падабаецца
2009–2020. Беларусь, Менск.