РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Наста Кудасава
Вершы
Кантэкстны тлумачальны слоўнік
Авісага
Танкарукая жрыца,
апякунка стагодзьдзяў,
у Гасподняй гасподзе
непрывечаны госьць,
 
ні сястра, ні царыца –
безгалосая птушка –
там, дзе сьцюжна і скрушна,
засяваю мілосьць.
 
Побач дыхаюць эры
і ўзіраюцца лёсы
ва ўладарныя кросны
у чаканьні ахвяр,
 
ды замкнёныя дзьверы
у бязьмернае сэрца
і так цяжка сагрэцца,
мой нязьведаны Цар!
 
 
 
 
Падабаецца     Не падабаецца
2009–2020. Беларусь, Менск.