РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Наста Кудасава
Вершы
Кантэкстны тлумачальны слоўнік
*  *  *
Не перакласьціся
на мову моцных.
Камусьці радасьці,
камусьці воцат,
адзін узвысіцца,
другі скалее,
а мне б насыціцца
вачамі Леі.
 
Па дну па горкаму
(падзеі – слайды)
паўзла, ды ўзгоркавай
чакала праўды,
так сэрца слухала –
гарэлі веі,
пакуль разьдзьмухала
сваю завею
 
...і разгулялася
(ave паветра!):
занабліжаліся
жывыя спэктры,
бялелі, біліся
ў пакутных родах...
I расступіліся
гнілыя воды!
 
 
 
 
Падабаецца     Не падабаецца
2009–2020. Беларусь, Менск.