Ад спомінаў дзіцячых лет Ў маёй душы астаўся сьлед. Я помню, як бывала рада Мае сэрца плітцы шакалада, Абгорненай з усіх старой Паперкай яркай зь візэрункам: Там пад «загадачным малюнкам» Пытаньне йшло: «Дзе Купідон?» Я не забыў, як доўга зь ей Сядзеў я ў комнатцы маей, Страх зацікаўлены загадкай, Хоць закусіўшы шакаладкай. Бо тут жа, тут хаваўся ты! Бо можа зь сетак малявідла, Што ўжо даўно вачам абрыдла, Твае праглянуць мне чэрты; I ўстанеш ты перада мной З крылатай, гостраю страдой, Мне ў сэрца мецячай, і з лукам, Пяяць гатовым поўным згукам! Ды ўсё жа быў ня бачан ён, Хоць я і сьлёзы ліць прымаўся. Што ж ты вачам не паказаўся, Ўладар каханьня, Купідон? З тых часаў многа лет прайшло, Прайшло – і зельлем парасло, І зноў забытае пытаньне Ўстае ў сувораму чаканьні. Я Купідона зноў шукаць Бяруся сквапна і рухава, Ды так няскладна гэта справа, Што лепш бы ёй маўчаць.
[1913]
|
|