Z novaj dumkaj, z novaj pieśniaj Vyjdzieš ty na nivy, Biełarusie, napradvieśni, Bracie moj ciarpłivy. Zasiavaci budzieš zierniem, Jak burštyn, adbornym, I nichto ciabie nia źviernie Sa šlachoŭ prastornych. Dumki pabiahuć inačaj Cieraz doły, hory, Ty siahońnia toje ŭbačyš, Što nia bačyŭ ŭčora. Budzie śviet tabie viasiołym, Viesialej z dniom kožnym, Nie pabačyš navakoła Złybiady astrožnaj. Budzieš važna pahladaci, Jak u ciabie doma Na kucie siadzić bahaćcie, Niby hość viadomy. Pra dzień zaŭtrašni pakinieš Dumać dumki ŭ hory, Dabrom poŭny buduć skryni, Žyviołaj – abory. Bić nia budzie pan vialmožny Z tvajho ž lesu pałkaj, Što ty byŭ nieaściarožny, Źniać zabyŭsia šapku. Znać nia budzieš ty viek-viekam Niadołi abrydłaj, Zvacca budzieš čałaviekam, A nia panskim bydłam. Ŭ dobraj dołi i pryhodzie, Radasny, ščaśłivy, Žyć ty budzieš u svabodzie, Bracie moj ciarpłivy.
1939
|
|