Стракоча сарока, стракоча. Аб чым расказачь яна хоча, Другім, можа быць, і няўцям. А маці? О, ведае маці, Аб чым гэта птушка на хаце Шчабеча — быць скора гасьцям. Другі дзень стракоча сарока. Пабегла дарога далека, Далёка, за небакрай... I маці падоўгу з парогу Маўкліва глядзіць на дарогу: «Хутчэй жа, сынок, прыязджай» А недзе на тую ж дарогу З глыбокай сардэчнай трывогай Дзявочыя вочы глядзяць. I ў іх то надзеі іскрынка, То горкага суму сьлязінка — Ня можа яна не чакаць. Дзень трэці стракоча сарока. Пабегла дарога далёка, Хтось едзе дарогаю той. Прыкмеціла маці сына, Угледзела хлопца дзяўчына. Куды ж раней пойдзеш, хлапчына, Да маці ці любай сваёй?
1956
|
|