Miaciełica, miaciełica
Šuhaje na dvary!
Nia vierycca, nia vierycca –
Kachańnie da pary!
Dačasnaje, niaščasnaje,
Biaź viery, bieź ciapła,
Zimovaje, ladovaje –
Takoje ŭžo znajšła!
Jakoju zaviruchaju,
Jakim chałodnym dniom,
Ŭlacieła biełaj muchaju,
Zdałosia mnie ahniom!
Śniažynkaj nieprykmietnaju
Kružyłasia, płyło
Takoju nie pryvietnaju –
Kachańnia nie było!
Ach, biełaja pušynačka,
Ciabie nie źbierahła!
Tak doŭha ty kružyłasia
I ŭsio-tki ŭciakła!
Ślazinkaju skaciłasia
Haračaju z vačej,
Skaciłasia, raźbiłasia,
A sercu nie lahčej!
Kruci, hudzi, miaciełica,
U połi, na dvary...
Ŭsio roŭna mnie nia vierycca,
Što ščaście – da pary!..
|
|
