РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Адам Глёбус
Вершы
Кантэкстны тлумачальны слоўнік
Асіна
Так-так, асіна не народзіць апельсіны.
Зьнясіліцца, паломіцца, загіне,
а не народзіць нам з табою апельсіны
дрыготкалістая і горкая асіна.
 
Хай Бог пашле дачку нам, а ня сына.
Яе палюбім і паверым у яе,
бо мы – жывыя, і мы ўсе – свае.
Але ж асіна не народзіць апельсіны...
 
I што з таго? Нашто перажываць?
Нашто душу сваю на долькі рваць?
Ну не растуць на крохкае асіне
салодкія, як сонца, апельсіны!
 
Перажываем, мучымся, гаруем,
маркоцімся, нудзімся і сумуем,
калі глядзім, як бедная асіна
спрабуе нарадзіць нам апельсіны.
 
11.VI.2006
 
 
 
 
Падабаецца     Не падабаецца
2009–2020. Беларусь, Менск.