RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Raisa Baravikova
Vieršy
Kantekstny tłumačalny słoŭnik
*  *  *
Zima razmašysta paznačyć
sumiotam schił bierahavy,
i niemahčyma ŭžo zynačyć,
jak los toj, nakid śniehavy.
Abuju matčyny valonki
i paprastuju naŭzdahad
tudy, dzie tonkija sasonki
žurboju vyśvietlać pahlad.
Tudy, dzie chiłić dołu holle
ciažkaja śniežnaja kajma,
sasonki, rečka, potym pole,
i bolšaha ŭ mianie niama.
Tabie praściej, piejzaž pryrečny,
ty mnie z hadami daražej,
i ad učynkaŭ niedarečnych
ciabie pryroda ŭbieraže.
A ja viadu z saboju svarki,
chaču na ščaście dni nizać,
i niemahčyma biez pamarki
z žyćcia žyćcio pierapisać.
Idu da niekaha ź vinoju,
i niechta prychavaŭ vinu,
i dzień udačy – navinoju,
i tydni strat – nie ŭ navinu.
Śniažok zadzirysta iskrycca,
la sosien zapavolu krok,
dzie, nu, zusim jak ja, chrabrycca
čyrvanahrudy śniehirok.
 
 
 
 
Padabajecca     Nie padabajecca
2009–2020. Biełaruś, Miensk.