Idzie viasna darožkaj
Ŭ sukienačcy ź viasiołki,
Rasoj abmyty nožki,
Tvar śviecicca ad zołku.
A vočy-vasiločki
Harać błakitnym źničam.
I hrudzi, jak zvanočki,
Na fest viasielny kłičuć.
Kab pahladzieć na dziva
Dzivosnaje spradvieku,
Až ź bierahoŭ imkłiva
Pavystupałi reki.
Z usiul paprylatałi
Ŭsie ptuški-ščabiatuńni,
Łuhi paraśćvitałi,
Pazielaniełi runi.
Usie raskryłi bramy,
I ja staju, čakaju:
I da mianie viasna mo
Ŭ haściny zavitaje?
1980
|
|
