RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Maksim Tank
Vieršy
Kantekstny tłumačalny słoŭnik
Tabie
Abiacaŭ ja kałiści tabie
Padaryć usie mary i sny,
Usie skarby i kvietki ziamłi,
Sałaŭinyja nočy viasny.
 
I nia znaju, chto tut vinavat:
Ci to sam ja, ci, moža, moj los,
Što tabie ja, siabroŭka maja,
Tolki šeryja budni prynios,
 
Tolki bieźłič tryvoh i pakut,
Jakich navat nie pierałičyć.
I tamu nie aśmielusia nat
Ja ŭ ciabie prabačeńnia prasić.
 
Daj ža mnie tabie dapamahčy
Droŭ prynieści, skryšyć kačany,
Małyšoŭ-niepasied panasić
I pastavić u pieč sahany,
 
A prysieŭšy viačerać za stoł,
Ab niahodach zabycca na mih
I tvaim spracavanym rukam
Adpačyci u dałoniach maich.
 
1984
 
 
 
 
Padabajecca     Nie padabajecca
2009–2020. Biełaruś, Miensk.