Садзіце лясы! Садзіце лясы
Ва ўсе гадавіны, прыгоды, часы!
I саджанцам, як немаўлятам, зялёным
Давайце на хрэсьбінах гэтых імёны –
Імёны сваіх незабыўных бацькоў,
Імёны каханых, імёны сяброў.
Імёны падзей, што палаюць зарою,
Імёны авеяных славай гэрояў
I рознапляменных народаў, дзяцей,
Імёны сузор’яў і нашых надзей.
Каб дрэвы і раньняй і позьняй парой
Заўсёды шумелі над мірнай зямлёй.
1984
|
|
