Ня раз дамаўляліся Мядзьведзь, барсук і вожык Паглядзець на зімы прыход. Бо чулі, Які прыгожы На рэках лёд, На палях – сьнег, На дрэвах – іней. Ды, як на грэх, Схаваўшыся ад восеньскай стыні У цёплыя логвішчы-норы, Пад лістападаўскі перазвон Зораў, Кожны раз ачмурыць Непрабудны іх сон, I ніяк не ўдаецца Зь зімою сустрэцца. I таму Нат ня верыцца ім у зіму, Пра якую Расказваюць небыліцы Вароны і зайцы, Ваўкі і лісіцы.
1985
|
|