RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Na pahraniččy
Na pahraniččy cieniem-zdańniu
Snujecca z kuta ŭ kut tryvoha, –
To ŭ chatu zdradłiva zahlanie,
To mitusicca la paroha.
 
U kožny hod, jak na asinach
Kara ad sonca adsyčeje,
3 svaim źjaŭlajecca ŭspaminam
I mutnym sočycca ručejem.
 
Kuśniecca muchaju kuśłivaj,
Nasycicca da pierasytu,
I ŭ sercach zabubnić pužłiva,
Jak cep pa takaviščy ŭbitym.

*

Na pahraniččy viečnaj viechaj
Krasuje pamiać ab minułym,
Kałi raźjušanaj uciechaj
Žyćcio ŭ kryvi z kryvioj tanuła.
 
Pierad pahladam, jak pryvidy,
Ŭstajuć rasstreły i pažary,
Ničym nia spłačanyja kryŭdy,
Ničym nia viernuty achviary.
 
Krasuje pamiać papiałiščaŭ
Iržoju źjedzienych kalučak,
3 viatrami žudaśłiva śvišča
I ŭ pryskach topicca piakučych.
 
Na pahraniččy kiemki znachar,
Kałi tvaryć varožby choča, –
Jon azirajecca na Zachad,
Jon na Uschod kiruje vočy.
 
A siejbit, žmieniaj mazałistaj
Zahonam kidajučy ziernie,
Nadziejaj dumki nazałistaj
Da supakoju nie naviernie.
 
Zhadać nia ŭmoc, jak ni varoža,
Kamu jon sieje svoj paletak:
Ci sam pažnie i źmiele zbožža,
Ci niechta inšy źjesć chleb hety.
 
*

Na pahraniččy cicha, sonna,
Choć, jak pruty, napiaŭšy žyły,
Pa toj i hety bok niazhonna
Stajać varožyja dźvie siły.
 
Praz puščy, pasieki, zahony,
Na rubiažy kryvavaj słavy,
Apabał vysiacca kardony,
Apabał błukajuć zastavy.
 
Padčas vurknie matacykletka,
Voz kantrabandny prakulhiča,
Dy bzynknie kula złosnaj śviedkaj,
Na znak, što tut voś pahraničča!
 
1926
 
 
 
 
Padabajecca     Nie padabajecca
2009–2020. Biełaruś, Miensk.