RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Dziakuju partyi Lenina – Stałina
Dziakuju partyi Lenina – Stałina,
Dziakuju Stałinu mudramu, rodnamu,
Što na Rasiei žandarmskaj razvałinach
Horu kaniec pałažyłi narodnamu,
 
Što Biełaruś maju ciomnuju, ŭbohuju
Vyviełi ŭ ludzi, i stała dziaržaŭnaju, –
Vycierła ślozy, pajšła ŭ śviet darohaju
Pobački z soncam, darohaju słaŭnaju.
 
Sonca ŭzyšło nad harotnaju nivaju,
Sny ab jaśniejšych dniach stałisia javaju;
Volnyja ludzi, jak pčoły rupłivyja,
Tvorać byt novy, abviejany słavaju.
 
Bjecca žyćcio žyvatvornaj krynicaju,
Pieśni napievami zvoniać viasiołymi,
Vola žyvaja łunaje arłicaju,
Dola ščaśłivaja družycca ź siołami.
 
Vola i dola nad dołami, horami
Hościć u nas cudatvornaju kazkaju,
Radasna žyć pad Kramloŭskimi zorami,
Stałinskaj ciešycca ŭvahaju, łaskaju.
 
Dziakuju partyi Lenina – Stałina!..
Našy minułisia dni biespraśvietnyja,
Lehłi ad sonca na śviecie pratałiny,
Budziem spraŭlać pieramohu ŭsiaśvietnuju.
 
Dziakuj za hodnaść paeta narodnaha,
Dziakuj za Lenina orden mnie radasny,
Dziakuj za premiju Stałina rodnaha,
Dziakuju Stałinu, sokału jasnamu!
 
1941
 
 
 
 
Padabajecca     Nie padabajecca
2009–2020. Biełaruś, Miensk.