РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
3 польскай
Зімка
Ой, зімка благая,
        Не страшна ты!
Нашто ж у нас печка
        I лес густы?..
 
На полі сьнег сьцежку
        Беліць усьлед;
Мы коніка ў санкі –
        Ды ў поле, ў сьвет!
 
Застыла, замёрзла
        Паверхня вод,
Гэй, хлопцы, дзяўчаткі,
        Жывей на лёд!
 
Як зоркі заблыснуць
        На небе там, –
Пачуем мы казку,
        Раскажуць нам.
 
Аб дзеду-марозе,
        Аб долі злой,
Аб беднай сіротцы
        Сказ будзе той.
 
[1921]
 
 
 
 
Падабаецца     Не падабаецца Водгукі
2009–2019. Беларусь, Менск.