RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Novaja vosień
Pa-novamu vosień paletki
Abchodzić, hladzić haspadarki...
Pajšłi addychać pad pavietki,
Zhulaŭšy dažynki, žniviarki.
 
Zakaŭkałi kaŭki na ŭzvyššy,
Zatreśłisia łiści ŭ huščarni...
Capy na siale zahłušyŭšy,
Bušuje kambajn-małatarnia.
 
Daŭžej cień kładziecca ad chataŭ
Ciažajucca pulchna papary...
Adbornyja žyta ziarniaty
Sadžaje siaŭnik u hektary.
 
Vichor pa kustach, pa hałinach
Z uschodu pahulvaje śviežy...
Dabrom papaŭniaje spažyŭnym
Siačkarnia siłosnyja viežy.
 
U vyraj sabrałisia husi,
I žoraŭ azvaŭsia pad niebam...
Płyvuć pa šlachach Biełarusi
Abozy čyrvonyja z chlebam.
 
Asieńniaje sonca spakojna
Ŭ prastorach niamych pachadžaje...
Hulaje pad ściaham čyrvonym
Kałhasnaje śviata ŭradžaju.
 
1930
 
 
 
 
Padabajecca     Nie padabajecca
2009–2020. Biełaruś, Miensk.