РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Ударніку
Рабочым і калгасным
Працоўным калектывам
Ад партыі і ўрада
Такая дырэктыва:
 
Па цэлым па Саюзе
Бяжыць хай пераклічка:
Ўраўнілаўку руйнуйце,
Касуйце абязьлічку!
 
Вядзіце працу зьдзельна
На фабрыцы, на полі,
Лятун каб і прагульнік
Там не гулялі болей.
 
Каб нашы прамфінпланы,
Кампаніі, наказы
Спаўняліся дакладна,
Як вока мірг, адразу.
 
Каб і апартуністы –
Ці левы ён, ці правы –
Ня мог прыносіць шкоды
Для ленінскае справы!..
 
Ударнік чуе гэта:
Ён, як на барыкаду,
Вядзе на штурм прарываў
Ударную брыгаду.
 
Пайшлі – йдуць брыгадзіры,
Працуюць несупынна;
Іх спатыкае ўдзячна
Савецкая краіна...
 
1931
 
 
 
 
Падабаецца     Не падабаецца Водгукі
2009–2019. Беларусь, Менск.