РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Адзінаццаць месяцаў...
380
Да гадавіны вызваленьня БССР
ад белапалякаў


 
Адзінаццаць месяцаў
Кроў цурком цякла;
Рабавала панства
Беларусь датла.
 
Генэрал Шаптыцкі –
Аўстрыяцкай школы –
Мечам і пажарам
Баль спраўляў вясёлы.
 
*

Адзінаццаць месяцаў
Вісельні скрыпелі;
«Niech zyje Polska!» –
Паны-каты пелі.
 
Гарады, мястэчкі
Танулі ў пагромах –
Не было збаўленьня
Малому, старому.
 
*

Адзінаццаць месяцаў
БССР стагнала
Пад ботам пілсудчыны,
Але не сканала.
 
Засявае поле,
Будуе сьвятліцы;
Люд працоўны, вольны
Шчыра весяліцца.
 
*

Генерал Шаптыцкі –
Праклінанай славы, –
Ўжо ня справіш болей
Свой банкет крывавы,
 
На край беларускі
Не ўскладзеш кайданаў
Штых стальны савецкі
Моцна гартаваны.
 
1932
 
 
 
 
Падабаецца     Не падабаецца
2009–2021. Беларусь, Менск.