РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Для тых, якіх люблю
Палюбіў я Марусю ўсім сэрцам,
А Марысю йшчэ болей, здаецца.
        А папраўдзе люблю абадвух
        Адналькова, ціхенька і ўслух.
 
Аб іх долі выдумываў песьні
Йшчэ тады – прад вялікім прадвесьнем,
        I сягоньня наяве і ў сьне
        Яны ўсюды са мною, пры мне.
 
Ці гіабачу я комін фабрычны,
Ці пабачу палетак пшанічны,
        Лятуць думкі, заводзяць гульню
        Ды ўсё з тымі, якіх я люблю.
 
Залатымі пяскамі пад ножкі
Пасыпаў бы ім сьцежкі-дарожкі,
        Падсьцілаў бы ім сонца сьвятло,
        Каб да вечнага шчасьця вяло.
 
Так люблю ад усходу да ўсходу
Чарнавоку Марусю з завода,
        3ь лілій-кветак ёй віў бы вянок,
        Прыбіраў бы ў атласы і шоўк.
 
Так люблю за дзявочыя красы
Сінявоку Марысю з калгаса,
        3ь лілій-кветак ёй віў бы вянок,
        Прыбіраў бы ў атласы і шоўк.
 
1934
 
 
 
 
Падабаецца     Не падабаецца
2009–2021. Беларусь, Менск.