РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
Народу-барацьбіту
Няхай землю імгла аблягае,
I зьвісае над ёю туман, –
Іх разгоніць вясна маладая,
Вытча новы зямлі сарафан.
Няхай цёмная сіла сваволіць,
I злы намысел тоіць вар'ят, –
Не было і ня будзе ніколі,
Каб хадзіў ясны месяц назад.
Няхай вораг паганы лютуе
I навалаю чорнай плыве –
Ён магілу сабе сам рыхтуе
Пад асінаю ў дзікай траве.
Няхай доўгія ночы находзяць
I трывожныя веюць вятры –
Іх адолееш ты, мой народзе,
I табе зложаць гімн песьняры;
Дык рыхтуй-жа магутныя сілы –
Вораг люты штурмуе наш дом.
Ты абруш на яго прах магілы,
Разразіся над ім перуном!
 
 
 
 
Падабаецца     Не падабаецца
2009–2022. Беларусь, Менск.