Viečarynka u kałhasie,
U «Čyrvonym arataju»,–
Pryjšłi Ściopki, Piećki, Vasi,
Pryjšłi Zosi, Stasi, Kasi,
I harmonik hraje, hraje.
Pryjšłi z pola, z haspadarki,
Kłub zapoŭniŭšy da kraju,
Bryhadziry i dajarki,
Bryhadzirki i śvinarki,
A harmonik hraje, hraje.
Chodam chodziać haspadyni –
Maładaja i staraja, –
Zina šehiča štoś Malvinie,
A Malvina šepča Zinie,
A harmonik hraje, hraje.
Zachapiŭšy ŭ pieršaj pary
Janka Mańku, Jurka Raju,
Dajuć dychtu, dajuć žaru,
«Sierbijanku», polku šparać,
A harmonik hraje, hraje,
Za stałom idzie biasieda
Ab žyćci, ab uradžai,
Pje susiedka da susieda,
Chto nia śniedaŭ, tut daśniedaŭ,
A harmonik hraje, hraje.
Nočka schodzić, sonca ŭschodzić,
I damoŭ było b para im,
A skakać jašče nia hodzie,
Jašče taniec na raschodzie,
A harmonik hraje, hraje.
Vo j načležniki z načlehu
Jak by chto im tam naraiŭ,
Zakaciłisia z raźbiehu
I pajšłi u skok šarenhaj,
A harmonik hraje, hraje.
Viesiałisia, hanarysia,
Moj «Čyrvony arataju»!
Skvarka płavaje u misie,
U šaŭku skača Marysia,
I harmonik hraje, hraje.
1935
|
|
