RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Partyzany
Jak išłi u lasy partyzany
Na zaklataha voraha-pana,
Rasstupałisia doły i hory,
Šlachi značyłi sonca i zory.
 
Jak tabun razhramiłi varožy
Partyzany ŭ svaim padarožžy,
Zadymiełi ahni na načlezie,
Zašumieŭ kučaravy biareźnik.
 
Jak ža svoj partyzan adzin zdradziŭ
I navioŭ łichadziejaŭ k zasadzie,
Pajšoŭ huł pa zialonych imšarach,
Papłyłi niebam čornyja chmary.
 
...A na vohniščy popiełu horści,
A ŭ tym popiele čornyja kości...
Vyjuć nočkaj vaŭki na palancy,
Kaściaki dajadajučy zdrajcy.
 
Jak pryjšła pieramoha nad panam,
Išłi ź pieśniaj ź lasoŭ partyzany, –
Rasstupałisia doły i hory,
Šlachi značyłi sonca i zory.
 
1935
 
 
 
 
Padabajecca     Nie padabajecca
2009–2020. Biełaruś, Miensk.