Па узгорках, па далінах, Ветрам-віхрам несупынна Мчыцца быстрая машына, А ў машыне дзьве дзяўчыны, Дзьве дзяўчыны, як маліны... Сьцеражыся, супраціўнік! Адбівае дні гадзіньнік. Шофер зь іх адна бывалы – Ёй ня страшны віры, скалы, Долы, горы, перавалы, Дае ход машыне ўдалай, А ўсё далей хваляй, валам... Сьцеражыся, супраціўнік! Адбівае дні гадзіньнік. Інжынер – тая другая, Будаваць машыны знае, Аб ёй слава па ўсім краі: Што такая маладая, А машыны выдумляе!.. Сьцеражыся, супраціўнік! Адбівае дні гадзіньнік. У расквечаным прасторы Дзьве дзяўчыны-непакоры Едуць полем, едуць борам, Перад імі сушы, моры, А над імі сонца, зоры. Сьцеражыся, супраціўнік! Адбівае дні гадзіньнік.
1935
|
|