Hej ty, moładź, naša źmiena,
Kamsamolcy, kamsamołki,
Jak ža śvietła, jak admienna
Śvieciš koleram viasiołki!
Maładoj junackaj słavaj,
Ci to ŭzimku, ci to letam,
Niby sonca, cudnaj źjavaj
Pramianieješ ty ŭ suśvietach.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Chto napieradzie sa ściaham,
Na jakim krasuje Stałin,
Pakaryŭ svajoj advahaj
Nierazhadanyja dałi?
Chto najščyršyja paryvy
Svaich dumak, svajho serca
Addaje savieckim nivam,
Drohnuć śvietam z sercam rviecca?
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Ci to sušy, ci to mory,
Ci to vysi padniabieśsia,
Ŭsiudy strenieš niepakoraŭ –
Kamsamolcaŭ našych ź pieśniaj.
Chaj tam bura, zavirucha,
Chaj purha sapie i płača,
Stul tvajo pačuje vucha
Kamsamolski hart junačy.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Čyja kirka ŭ padziamielłi
Pieršaj płast vuhla ciarebić
I čyj traktar pieršym ściele
Skiby na kałhasnaj hlebie?
Čyje zvoniać zvonka kosy
Na murožnaj sienažaci?
Chto jdzie pieršym u prakosach,
Što i vietru nie dahnaci?
Hłybiej, dalej, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Hlań, karabl płyvie dasužna,
Dymić komin parachodny, –
Kamsamolcy siamjoj družnaj
Režuć chvałi ŭ šlachu vodnym.
Nipačym im ryfy, skały,
Ani śmierčy, ni burany, –
Z maładym płyvuć zapałam
Cieraz mory-akijany.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Hlań u nieba, ŭ stratasferu,
Dzie siahnuć nia moža j voka, –
Kamsamolec nieba mieryć,
Siače kryllem vał abłokaŭ.
Z samalotam dniom i nočaj
Mihacicca ŭ biezhraniččy,
Dniom śmiajecca soncu ŭ vočy,
Nočkaj zornaj zory łiča.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Na farpostach, na hranicach
Biezhraničnych našych ziamlaŭ
Z karabinam la stražnicaŭ
Kamsamolec nie zadremle.
Ź im ń žarty, ź im nia hułi, –
Ścieražysia, podły vorah!
Jaho mietka cełić kula, –
Źmiele złydzienia na porach.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
*
Ja ščaśłivy, što ja razam
Piaju pieśni z kamsamołam,
Piajem pieśni składnym skazam –
Ažno rechi jduć naŭkoła.
Rodzić bujna naša pole,
Sady našy, aharody,
Huduć hułka z dobraj vołi
Našy fabryki, zavody.
Dalej, vyšaj, u prastory
Pa ŭradžaj ź siaŭby bahaty,
Kamsamolcy-viarnihory,
Stałinskija arlaniaty!
[1936]
|
|
