RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Śviatočnyja vieršy

#I
Nie pra byŭšaje kajdannaje
        Hetu pieśniu ja składaju,
A pra źjavu niečakanuju,
        Što siahońnia ščasna majem.
 
Nie pra turmy, ździeki carskija,
        Muki ludu i narodaŭ,
A pra volu praletarskuju,
        Załatyja našy hody.
 
Nie pra ciemru biespraśvietnuju,
        Što ludziam ślapiła vočy,
A pra jasnaść zornaćvietnuju,
        Što raźviejała nam nočy.
 
Nie pra biednaść biesprytulnuju,
        Hora viečnaje, žabractva,
A pra naša ŭsieahulnaje
        Nieabsiažnaje bahactva.
 
Nie pra nienaviść, što hodami
        Nas daviła ciažkim hruzam,
A pra družbu miž narodami
        Usiaho našaha Sajuza.
 
Nie pra sny ź ciažkimi zmorami,
        Što ciahnułi nas u nierat,
A pra stałinski pad zorami
        Soniečny pachod napierad.
 
Nie pra byŭšaje kajdannaje
        Hetu pieśniu ja składaju,
A pra źjavu niečakanuju,
        Što siahońnia ščasna majem.

 

#II
Idzie homan uračysta,
        Idzie z chaty ŭ chatu,
Idzie ź pieśniaj ahniavistaj
        Ab viałikim śviatu.
 
Dvaccać hod śviatkujem siońnia
        Mahutnych prajavaŭ,
Kraj Saviecki ŭvieś hamonić
        Balšavickaj słavaj.
 
Idzie homan raśśpiavany
        Daloka ŭ prastory,
Dzie ldzianyja akijany,
        Dzie ciopłyja mory.
 
My śviatočna schody kłičam –
        Volnyja, ŭ biasstraššy –
Kanstytucyju ŭźviałičym
        Stałinskuju našu.
 
Idzie homan puščaj, boram,
        Idzie łuham, polem,
Raźvitałisia my z horam,
        Ź niadolaj, ź niavolaj.
 
My ŭradžaj źbiraci stałi
        Bujny, niebyvały,
Što nam Lenin, što nam Stałin
        Zasiejałi dbała.
 
Idzie homan a kryłaty,
        Idzie, nie ścichaje,
Na viałikaje na śviata
        Narody skłikaje.
 
Tak zbyłisia ŭ hod – niamnoha –
        Lenina zaviety.
Z novym ščaściem, ź pieramohaj,
        Narodzie Savietaŭ!

 
1937
 
 
 
 
Padabajecca     Nie padabajecca
2009–2020. Biełaruś, Miensk.