РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
На сенажаці
Чуць на небе зара
      Занімаецца,
Ў курнай хаце мужык
      Падымаецца,
 
Цягне сьвітку з пала
      Прапацелую,
Цягне лапці з калка
      Скарчанелыя.
 
I касу ён бярэ
      Адкляпаную,
I жарсьцьвянку нясе
      Дзераўляную.
 
Так на луг ён ідзе
      Свой някошаны,
Зь песьняй топіць касу
      Ў траве зрошанай.
 
Яго сілу ў касьбе
      Відаць моцную,
Дый у песьні сьлязу
      Чуць гаротнага...
 
[1908]
 
 
 
 
Падабаецца     Не падабаецца
2009–2019. Беларусь, Менск.