РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Роднае слова
Магутнае слова, ты, роднае слова!
        Са мной ты на яве і ў сьне;
Душу мне затрэсла пагудкаю новай,
        Ты песень наўчыла мяне.
 
Бясьсьмертнае слова, ты, роднае слова!
        Ты крыўды, няпраўды змагло;
Хоць гналі цябе, накладалі аковы,
        Дый дарма: жывеш, як жыло!
 
Свабоднае слова, ты, роднае слова!
        Зайграй ты сьмялей, весялей!
Хоць гадзіны сыкаюць, кружацца совы
        Жывеш ты на хвалу людзей.
 
Загнанае слова, ты, роднае слова!
        Грымні ж над радзімай зямлёй:
Што родная мова, хоць бедная мова,
        Мілей найбагатшай чужой!
 
1908
 
 
 
 
Падабаецца     Не падабаецца Водгукі
2009–2019. Беларусь, Менск.