У адрозьненьне ад іншых палотнаў сэрыі, маючых дакумэнтальную аснову, гэта пабудавана на асацыятыўна-вобразнай сымболіцы. Над чарнеючым сілуэтам крэматорыя жаночага лягера Біркенау лёгка лунае, узносіцца ў неба мадонна – сымбаль усіх загінуўшых маці. Яна такая ж пераможна цудоўная, якой адлюстроўвалася ў жывапісе Адраджэньня. Ідэал любві, прыгажосьці і мацярынства для цемрашальства недасягальны. Ён непахісны і бесьсьмяротны. I быццам адраджаючы жыцьцё, попел спаленых прарос скромнымі палявымі кветкамі.