выпадковая цытата

06/03/2010

КАНЦЭРТ АЛЕСЯ КАМОЦКАГА
19 сакавіка 19.00
на малой сцэне Купалаўскага тэатра
Алесь Камоцкі  
МІТУСЬНЯ КАЛЯРОВЫХ ДЗЁН
сустрэча з песьнямі
Спосаб набыцьця квіткоў толькі адзін – патэлефанаваць +375 29 2532504 і набыць, і ніяк іначай.

01/03/2010

Празаікі Андрэй Федарэнка і Віктар Казько атрымаюць прэміі!
У апошні дзень зімы літаратары Адам Глобус і Алесь Аркуш абвясьцілі пераможцаў сваіх прыватных літаратурных прэмій.
Стод “Глінянага Вялеса”, сімвал самай першай і, бадай, самай вядомай, літаратурнай прэміі, што была заснаваная ў 1993 годзе сябрамі Таварыства Вольных Літаратараў, атрымае празаік Віктар Казько за кнігу “Бунт незапатрабаванага праху”.  
Пра гэта паведаміў заснавальнік прэміі, старшыня ТВЛ Алесь Аркуш у сваім блогу (http://alesarkush.livejournal.com/625673.html). “Сёлета вырашальным пры вызначэньні лаўрэата сталі крытычныя і літаратуразнаўчыя артыкулы аўтарытэтных беларускіх крытыкаў і літаратуразнаўцаў, перадусім Міхася Тычыны”, - падкрэсьліў пісьменьнік.
Узнагароджаньне Віктара Казько адбудзецца ў красавіку ў Полацку.









“Залатую літару”, штогадовую суб’ектыўную прэмію, што ўручаецца за найлепшую кнігу года літаратарам, мастаком, выдаўцом Адамам Глобусам, сёлета атрымае празаік Андрэй Федарэнка за кнігу “Нічые”.  
Аб гэтым паведаміў Адам Глобус у сваім блогу (http://adam-hlobus.livejournal.com/733958.html).
“Усяго прагаласавала 493 чалавекі:
• Андрэй Федарэнка "Нічые"(168)34%
• Сяргей Календа "Помнік атручаным людзям"(135)27%
• Уласік Смаркач Сірошка Пістончык "йопыты"(167)34%
• Артурас Шыланскас "Зборнік хайку"(22)4%”, - піша Адам Глобус.
Варта адзначыць, што “Залатую літару” можа атрымаць ня толькі аўтар мастацкага твора (кнігі), але і аўтар навуковай манаграфіі (першую “Літару” атрымала Аксана Бязлепкіна за манаграфію "Разам і паасобку: Таварыства "Тутэйшыя").
Звычайна ўзнагароджаньне пераможцы адбываецца ў сакавіку ва ўтульнай менскай кавярні.  

26/02/2010

12 сакавіка 2010 г. у 19:00,  
Белдзяржфілармонія, Малая Зала ім. Г.Шырмы
У межах фестывалю Pianofest, пры падтрымцы Інстытута Польскага ў Мінску

Запрашаем на вечар фартэпіяннай музыкі “Натхненне”, прысвечаны 200-годдзю з дня нараджэння Ф.Шапэна.  

Выканаўцы — лаўрэаты міжнародных конкурсаў

Эльміра СЕЙФУЛАЕВА (Беларусь)

Марыя ВОЙЦЫК (Польшча)

Прагучаць лепшыя творы Л. ван Бетховена, Ф.Шопена, Ф.Листа, М.Равеля.
Мэта серыі канцэртаў «Pianofest» — пазнаёміць публіку з маладымі талентамі. Польская піяністка Марыя Войцык, лірычная і рамантычная асоба, упершыню выступіць у Мінску.

Канцэрт з'яўляецца бліскучым прыкладам таго, што музыка не мае межаў, яна аб'ядноўвае людзей з розных краін, яе мова зразумелая кожнаму. Слухачы будуць мець унікальную магчымасць параўнаць дзве розныя традыцыі выканання класічнай музыкі ад беларускай і польскай фартэпіянных школ.

Аўтар праекта Pianofest — Аляксандр Палякоў

Квіткі можна набыць у касах філармоніі, праз упаўнаважаных па арганізацыі гледача або замовіць на сайце www.philharmonic.by
Даведкі па тэлефонах: 284 44 33, 284 32 02 (аддзел рэалізацыі квіткоў); 331 36 91; 331 16 17 (рэжысёры);
284 47 09 (каса з 9.00 да 21.00)


http://www.philharmonic.by/ru/concerts/action-concert.con-1181.html

22/02/2010

ІНТЭРВ’Ю З УЛАДЗІМЕРАМ ТКАЧЭНКАМ
На сайце зьявілася інтэрв’ю зь вядомым беларускім музыкам, былым удзельнікам ансамбля “Песняры”, удзельнікам шматлікіх музычных праэктаў Уладзімерам Ткачэнкам: «...Вельмі рады таму, што ўва ўсім сьвеце ўзнаўляецца цікавасьць да музыкі “Бітлз”». У гутарцы зь Юрыям Несьцярэнкам ён распавёў пра сваю паўтарагадзінную канцэртную праграму для сымфанічнага аркестра пад назвай “Легендарная музыка Бітлз” і пра сваё выступленьне разам зь легэндарным ангельскім выканаўцам Тоні Шэрыданам.  

Зьлева направа: Тоні Шэрыдан,  
Уладзімер Ткачэнка, Віктар Малчанаў.