RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Bijahrafija
        Aleś Adamovič naradziŭsia 3 vieraśnia 1927 h. u vioscy Kaniuchi Kapylskaha rajona Mienskaje vobłaści ŭ siami słužačych. Z 1928 siamja pražyvała ŭ pasiołku Hłuša Babrujskaha rajona. U čas Viałikaj Ajčynnaj vajny, u 1942 Aleś Adamovič, vučań siaredniaj škoły, — suviazny, z 1943 — bajec partyzanskaha atrada imia Kirava 37-j bryhady imia Parchomienka Minskaha złučennia. U 1944—1945 pa nakiravanniu CŠPD — student Leninahorskaha horna-mietałurhičnaha technikuma (Ałtajski kraj). U 1945 viarnuŭsia ŭ Biełaruś, ekstiernam sdaŭ ekzamieny za siaredniuju škołu. U 1945—1950 vučyŭsia na fiłałahičnym fakultecie BDU, u 1953 skončyŭ aspiranturu pry univiersitecie i pracavaŭ tam ža na kafiedry biełaruskaj łitaratury. U 1954—1962 i z 1967 — navukovy supracoŭnik, u 1976—1983 — zahadčyk siektara łitaraturnych uzajemasuviaziej Instytuta łitaratury imia Janki Kupały AN BSSR. U 1962—1966 vučyŭsia na Vyšejšych scenarnych kursach u Maskvie, u 1964—1966 vykładaŭ biełaruskuju łitaraturu ŭ Maskoŭskim dziaržaŭnym univiesitecie. Z 1966 znoŭ pracavaŭ u Instytucie łitaratury AN BSSR. U 1982 u składzie delehacyi BSSR udzielničaŭ u rabocie XXXVII siesii Hienieralnaj Asamblei AAN. Z 1987 — dyrektar navukova-dasledčaha Instytuta kinamastactva ŭ Maskvie. Narodny deputat SSSR (1989). Člen-karespandent AN BSSR, doktar fiłałahičnych navuk, prafiesar. Člen SP SSSR (z 1957). Siabra Biełaruskaha PEN-centra z 1989.
         Pamior 26 studzienia 1994 ŭ Maskvie (Rasieja).
        
         Jak krytyk i łitaraturaznaviec vystupaje ŭ druku z 1950. Piša na biełaruskaj i ruskaj movach. Aŭtar navukovych prac «Šlach da majsterstva: Stanaŭlennie mastackaha stylu K.Čornaha» (1958), «Kultura tvorčasci» (1959), «Biełaruski raman» (1961), «Stanovlennie žanra: Biełorusskиj roman» (Maskva, 1964), «Maštabnasć prozy» (1972), «Horиzonty biełorusskoj prozy» (Maskva, 1974), «Zdalok i zbłizku: Biełaruskaja proza na łitaraturnaj płaniecie» (1976), «Kuźma Čornyj: Urokи tvorčiestva» (Maskva, 1977), «Lev Tołstoj и biełorusskaja łиtieratura: Vojna и čiełoviek» (1978, dakład na VIII Mižnarodny zjezd słavistaŭ), «Łitaratura, my i čas» (1979), «Bramu skarbaŭ svaich adčyniaju…» (1980), «O sovriemiennoj vojennoj prozie» (Maskva, 1981), «Vojna и dierievnia v sovriemiennoj łиtieraturie» (1982), alboma «Skaz pra Ivana Mieleža» (1984), brašury «Łиtieratura и problemy vieka» (Maskva, 1986), knih łitaraturnaj krytyki i pubłicystyki «Vybierи — žиzń» (1986), «Nиčieho važnieje» (Maskva, 1985), «Dodumyvat do konca» (Maskva, 1988), «Otvojevałиś!» (Maskva, 1990).
         Vyjšłi raman «Vojna pod kryšamи» (1960), jaki razam z ramanam «Synovja uchodiat v boj» skłałi dyłohiju «Partиzany» (1963, pa scenaryju piśmiennika pastaŭlena adnajmiennaja kinadyłohija, 1970), «Chatynskaja apoviesć» (Maskva, 1972; na biełaruskaj movie ŭ 1976, insceniravana ŭ 1977), apoviesci «Asиja. Poslednиj otpusk» (1975), «Karatiełи: Radost noža, иłи Žиznieopиsanиje hиpierboriejev» (1981), «Posledniaja pastoral» (časopis «Novyj mиr», 1986). U 1985 h. na kinastudyi «Mosfиlm» pastaŭleny dvuchsieryjny mastacki film «Иdи и smotrи» (scenaryj A. Adamoviča i E. Kłimava, apubłikavany ŭ 1986, u asnovu jakoha pakładzieny «Chatynskaja apoviesć» i «Karatiełи…»). Film zaniaŭ pieršaje miesca na Susvietnym kinafiestyvałi ŭ Maskvie (1985), uznaharodžany załatym pryzam. U 1987 h. vyjšła kniha apaviadanniaŭ i ese «Molenиje o buduщjem». Adzin z aŭtaraŭ dakumientalnych knih «Ja z vohniennaj vioski…» (z Ja.Brylom, U.Kalesnikam, 1975) i «Błokadnoj knиhи» (z D.Hraninym, Maskva, 1979, 2-je, poŭnaje vydannie, u pierakładzie na biełaruskuju movu ŭ 1985).
         Uznaharodžany ordenami Ajčynnaj vajny II stupieni, Pracoŭnaha Čyrvonaha Sciaha, «Znak Pašany» i miedalami. Łaŭreat premii Ministerstva abarony SSSR (1974) i Dziaržaŭnaj premii BSSR imia Jakuba Kołasa (1976) — za «Chatynskuju apoviesć».
         Film na scenaryj A. Adamoviča «Idzi i hladzi» trapiŭ u spis filmaŭ televizijnaha šoŭ «50 filmaŭ, jakija nieabchodna pahladzieć, pierš čym pamierci».
2009–2020. Biełaruś, Miensk.