RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Bijahrafija
        Spraŭdnaje mia Vasila Vitki - Cimoch Kryśko. Jon naradziŭsia 16 traŭnia 1911 hoda ŭ vioscy Jeŭłičy Słuckaha rajona Mienskaj vobłasci ŭ sialanskaj siami.
         Pasla zakančennia Słuckaj praftechškoły (1928) pracavaŭ slesaram na Babrujskim drevaapracoŭčym kambinacie, u zavodskaj šmattyražcy (1929-1930), redakcyjach haziet «Kamunist» (Babrujsk, 1930-1933), «Udarnik» (Žłobin, 1933-1935), «Čyrvonaja zmiena» (1935-1937), «Łitaratura i mastactva» (1937-1938) i časopisa «Połymia revalucyi» (1938-1939). Udzielničaŭ u pachodzie Čyrvonaj Armii ŭ Zachodniuju Biełaruś i da samaha pačatku vajny pracavaŭ sakratarom Biełastockaha abłasnoha addzialennia SP BSSR. Z pačatku Viałikaj Ajčynnaj vajny - u redakcyi haziety «Savieckaja Biełaruś», a z 1942 h. - u addziele prapahandy i ahitacyi CK KPB redaktaram masavych vydanniaŭ dla akupiravanych rajonaŭ. Supracoŭničaŭ u satyryčnych časopisach «Partyzanskaja dubinka» i «Razdavim fašysckuju hadzinu». Z dnia ŭtvarennia časopisa «Biełaruś» (studzień 1944) pracavaŭ jaho adkaznym sakratarom, z 1948 h. - namiesnikam, z 1951 h. - hałoŭnym redaktaram haziety «Łitaratura i mastactva». U 1957-1974 hh. - hałoŭny redaktar časopisa «Viasiołka». U 1974-1987 hh. - siabra scenarna-redakcyjnaj kalehii kinastudyi «Biełaruśfilm». Siabra SP SSSR z 1943 h.
         Uznaharodžany ordenami Kastryčnickaj Revalucyi, dvuma ordenami Pracoŭnaha Čyrvonaha Sciaha, dvuma - «Znak Pašany» i miedalami.
         Zasłužany dziejač kultury Biełaruskaj SSR (1970).
         Pamior 05.07.1996 h.
        
         Drukavacca pačaŭ u 1928 h. Pieršy zbornik vieršaŭ «Hartavannie» vydadzieny ŭ 1944 h. u Maskvie. Zatym vyjšłi zborniki paezii «Poŭdzień» (1946), «Viernasć» (1953), «Ruža i štyk» (1958), «Pavierka» (1961), «Vieršy» (1968), «Biełaruskaja kałychanka» (1971), «Pravodziny leta» (1972), «Vyšyni sviatła» (1977), «Słuččyna» (1981), «Trecija pieŭni» (1988), zbornik satyry i humaru «Dla doma, dla alboma i trochi dla epochi» (1983). Dla dziaciej vydaŭ knižki paezii i vieršavanych kazak «Vaviorčyna hora» (1948), «Busłinaje leta» (1958), «Kazka pra cara Zubra» (1960), «Dudaryk» (1964), «Azbuka Vasi Viasiołkina» (1965), «Kazki» (1968, 1976), «Čytanka-malavanka» (1971), «Chto pamahaje soncu» (1975), «Ładački-ładki» (1977), «My budujem mietro» (1979), «Minskija bałady» (1982), «Kazki i kraski», «Hosci», «Zahadka pra ziarniatka» (usie 1984), «Dzieciam» (vybranyja tvory ŭ dzviuch knihach, 1986), «Sviata družby» (1987), zbornik apaviadanniaŭ «Zajčyk-vadałaz» (1962). U 1973 h. vyjšłi Vybranyja tvory ŭ 2 tamach.
         Aŭtar pjes «Pramień budučyni» (1948), «Ščascie paeta» (1951, pastaŭlena ŭ 1952).
         Napisaŭ mnoha łitaraturna-krytyčnych i pubłicystyčnych artykułaŭ na maralna-etyčnyja i vychavaŭčyja temy. U 1977 h. vydaŭ knihu dzionnikaŭ, narysaŭ i apaviadanniaŭ «Dzieci i my», u 1982 h. - knihu «Uroki», u 1988 h. - «Azbuka dušy». Adzin z aŭtaraŭ čytanak «Rodnaje słova» dla 1 (1969), 2 (1970) i 3 (1988) kłasaŭ.
         Na biełaruskuju movu pierakłaŭ paemu Ŭ.Majakoŭskaha «Dobra!» (1940, z R.Łyńkovym), «Pany Hałaŭlovy» M.Sałtykova-Ščadryna (1956), knihu V.Suchamłinskaha «Błakitnyja žuraŭłi» (1971), tvory rasiejskich, ukrainskich, łatyšskich, bałharskich i polskich piśmiennikaŭ.
         Łaŭreat Dziaržaŭnaj premii BSSR (1972) za knihi «Biełaruskaja kałychanka», «Kazki» i «Čytanka-malavanka». U 1978 h. uznaharodžany mižnarodnym hanarovym dypłomam imia Ch.K.Andersiena z zaniasienniem prozvišča piśmiennika ŭ Hanarovy spis dackaha kazačnika.
        
         http://slounik.org/80890.html
2009–2020. Biełaruś, Miensk.