RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Bijahrafija
        Ivan Mielež naradziŭsia 8 lutaha 1921 h. u vioscy Hłinišča Chojnickaha rajona Homielskaj vobłaści ŭ sialanskaj siami.
         Paśla zakančeńnia siaredniaj škoły (1938) pracavaŭ u Chojnickim rajkomie kamsamoła. U 1939 h. pastupiŭ u Maskoŭski instytut historyi, fiłasofii i łitaratury i ź pieršaha kursa byŭ pryzvany ŭ Savieckuju Armiju. Letam 1940 h. ŭdzielničaŭ u vyzvaleńni Paŭnočnaj Bukaviny. Ź pieršych dzion vajny na froncie — na Zbručy, pad Umańniu, Nikałajevym, Sinielkavam, Rastovam-na-Donie, Łazavoj. U červieni 1942 h. pad Rastovam ciažka paranieny i paśla lačeńnia ŭ tbiłiskim špitałi adpraŭleny ŭ tył. Žyŭ u Buhurusłanie, potym vykładaŭ vajennuju padrychtoŭku ŭ Małdaŭskim pedahahičnym instytucie, a z 1943 h.— u Biełaruskim dziaržaŭnym universitecie, jaki znachodziŭsia tady na stancyi Schodnia ŭ Padmaskoŭi, dzie vučyŭsia spačatku zavočna na fiłałahičnym fakultecie, a zatym pierajšoŭ na stacyjanar (skončyŭ u 1945 h. užo ŭ Miensku). Paśla vučyŭsia ŭ aśpirantury, vykładaŭ biełaruskuju łitaraturu va universitecie, pracavaŭ u redakcyi časopisa «Połymia».
         Z 1966 h.— sakratar, a ŭ 1971 — 1974 hh.— namieśnik staršyni praŭlennia SP BSSR. Vybiraŭsia deputatam Viarchoŭnaha Savieta BSSR (1967—1976), byŭ staršynioj Biełaruskaha kamiteta abarony miru, členam Susvietnaha Savieta Miru. Člen SP SSSR z 1945 h.
         Pamior 9 žniŭnia 1976 h.
        
         Debiutavaŭ u 1939 h. vieršami. Pieršaje vystuplennie ŭ druku jak prazaika adnosicca da 1943 h. (hazeta «Buhurusłanskaja pravda»). Vydaŭ zborniki apovieściej i apaviadańniaŭ «U zaviruchu» (1946), «Haračy žnivień» (1948), «Zaŭsiody napieradzie» (narys, 1948), «Błizkaje i dalokaje» (1954), «U harach daždžy» (1957), «Što jon za čałaviek» (apaviadańni, apovieści, narysy, 1961), «Žyćciovyja kłopaty» (narysy, ese, krytyčnyja artykuły, 1975), «Biełyja višni i jabłyni» (1976), «Pieršaja kniha: Dziońniki, sšytki, z zapisnych knižak» (1977). Aŭtar ramana «Mienski napramak» (1952, dapracavanaje vydańnie ŭ 1974).
         Aŭtar cykła ramanaŭ «Paleskaja chronika»:
         1. «Ludzi na bałocie» (1962);
         2. «Podych navalnicy» (1966);
         3. «Zaviei, śniežań» (1978).
        
         U 1969—1971 hh. vyjšaŭ Zbor tvoraŭ u 6-ci, u 1979—1985 hh.— u 10 tamach.
         Napisaŭ pjesy «Pakul vy maładyja» (1956, asobnaje vydańnie ŭ 1958, pastaŭlena ŭ 1957), «Dni našaha naradžeńnia» (apubłikavana i pastaŭlena ŭ 1958), adnaaktoŭku «Chto pryjšoŭ unočy» (1959, asobnaje vydańnie ŭ 1966). Pa ramanach «Ludzi na bałocie» i «Podych navalnicy» Biełaruskim telebačańniem stvorany ŭ 1966 h. spektakl. Biełaruskim teatram imia Janki Kupały pastaŭleny ŭ 1966 h. spektal «Ludzi na bałocie», Homielskim abłasnym teatram — «Podych navalnicy» (1977), u 1989 h.— «Strasci epochi» (pavodle ramana «Zaviei, śniežań»).
        
         http://www.belarus-misc.org/writer/melezh.htm
2009–2020. Biełaruś, Miensk.