РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..      
 
 Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Біяграфія
        Сапраўднае імя Вікі Трэнас – Вікторыя Ляйкоўская. Яна нарадзілася ў 1984 годзе ў Менску.
         Скончыла філялагічны факультэт Беларускага Дзяржаўнага Ўнівэрсытэта (беларускае аддзяленьне, 2007), вывучала філязофію і літаратуру ў Беларускім Калегіюме.
         Цяпер працуе рэдактарам аддзела паэзіі часопіса “Маладосць”. Піша на беларускай і рускай мовах.
         Зь вершамі, эсэістыкай, літаратурнай крытыкай выступае ў пэрыёдыцы з 2000 г. Зьяўляецца літаратурным аглядальнікам інтэрнэт-выданьня “Новая Эўропа”, супрацоўнічае з часопісамі “Паміж”, “pARTisan”, “Тэксты”.
         У цяперашні час актыўна займаецца арганізатарскай і мэнэджэрскай дзейнасьцю: супольна з паэткай Юліяй Новік ажыцьцяўляе доўгатэрміновыя літаратурна-мастацкія праэкты “Выявы”, “Францыя ў сэрцы Беларусі”, праводзіць фэстывалі, конкурсы, майстар-клясы, канцэрты, выставы, творчыя сустрэчы-дыскусіі, разнастайныя імпрэзы пры дапамозе і з удзелам маладых актуальных беларускіх пісьменьнікаў, музыкантаў, мастакоў.
         5 сьнежня 2009 года ў Тэатры Рускага Рамансу прайшла літаратурна-мастацкая імпрэза “Выявы-2009“, якая сабрала цікавых і вельмі розных удзельнікаў.
         20 траўня 2010 года ў музэі Янкі Купалы пасьпяхова адбыўся паэтычна-акустычны канцэрт “Рытмы і рыфмы”.
         13 лістапада 2010 года ў музэі Янкі Купалы прайшло культурна-забаўляльнае шоу “Дзесятка-style”, у якім бралі ўдзел творчыя бландзінкі і брунеткі.
         Штогадовы праэкт прома-групы ВЮ “Выявы” прайшоў у трэйці раз – пад назвай “Трохмоўе”, зьяднаўшы беларускую, польскую, ангельскую мовы і творцаў, якія імі натхняюцца. Мерапрыемства адбылося 7 сьнежня 2011 г. ў музэі імя Янкі Купалы.
         Віка Трэнас – аўтарка паэтычных кніг “Цуд канфіскаванага дзяцінства” (Менск, "Логвінаў", 2005), “Экзістэнцыйны пэйзаж” (Менск, “Галіяфы“, 2008). Творы перакладаліся на рускую, нямецкую, балгарскую, швэдскую і французскую мовы.
2009–2020. Беларусь, Менск.