RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Bijahrafija
        Branisłaŭ Taraškievič naradziŭsia ŭ zaścienku Maciułiški Vilenskaha pavietu ŭ sialanskaj siami.
         U 1911 skončyŭ ź siarebranym medalom 2-ju Vilenskuju himnaziju, u 1916 — historyka-filalahičny fakultet Pietrahradzkaha ŭniversytetu i byŭ pakinuty tam pry katedry rasiejskaj movy i łitaratury. Pracavaŭ i jak pryvat-dacent staražytnahreckaj i łacinskaj moŭ.
         U 1917 h. — adzin ź łideraŭ Biełaruskaj sacyjałistyčnaj hramady. U 1918 h. zahadvaŭ kulturna-aśvietnym addziełam Pietrahradzkaha addzialeńnia Biełnackamu. U 1919 h. — vykładčyk biełaruskaj i hreckaj moŭ u Mienskim pedahahičnym instytucie. U 1920 h. — zahadčyk biełaruskaha sektaru departamenta aśviety t.zv. Siaredniaj Łitvy.
         Z 1921 h. — dyrektar Vilenskaj biełaruskaj himnazii. Adzin z kiraŭnikoŭ i zasnavalnikaŭ TBŠ. Namahańniami B.Taraškieviča dy inšych dziejačaŭ nacyjanalnaha adradžeńnia napačatku 20-ch h.h. na terytoryi Siaredniaj Łitvy było adčyniena kala 300 škołaŭ z vykładańniem na biełaruskaj movie, nastaŭnickaja seminaryja ŭ Barunach, himnazija i nastaŭnickija kursy ŭ Radaškovičach.
         U 1922 h. byŭ abrany pasłom u polski sojm, u 1922—1924 hadoch uznačalvaŭ u im Biełaruski pasolski klub. U pieršy peryjad svaje parlamenckaje pracy trymaŭsia ŭ cełym palanafilskaj aryjentacyi, choć vostra krytykavaŭ z sojmavaj trybuny nacyjanalnuju i sacyjalnuju pałityku polskich uradaŭ. U lutym 1924 h. razam z Radasłavam Astroŭskim i Alaksandram Ułasavym uziaŭ udzieł u stvareńni Biełaruska-polskaha tavarystva ŭ Vilni, za što byŭ adchileny ad staršynstva ŭ Biełaruskim pasolskim klubie i zamienieny na Vasila Rahulu. Paśla hetaha zbłiziŭsia ź levym kryłom BPK.
         U pačatku 1920-ych hadoŭ Taraškievič byŭ taksama čalcom łožaŭ ruchu volnych mularoŭ «Tamaš Zan» u Vilni i łožy «Praŭda» ŭ Varšavie.
         24 červienia 1925 hodu razam z Symonam Rak-Michajłoŭskim, Paŭłam Vałošynym i Piatrom Miatłoj vyjšaŭ sa składu BPK i zasnavaŭ pasolski klub Biełaruskaje sialanska-rabotnickaje hramady. Staŭ staršyniom klubu, a paśla i stvoranaj na jaho asnovie masavaj pałityčnaj partyi. Ciesna zbłiziŭsia ź łiderami KPZB i ŭ studzieni 1926 hodu byŭ pryniaty ŭ partyju. Patajemna ŭdzielničaŭ u III kanfierencyi KPZB (studzień 1926 hodu).
         U studzieni 1927 h. staršynia CK BSRH Branisłaŭ Taraškievič razam ź inšymi łiderami vyzvalenča-revalucyjnaha ruchu byŭ aryštavany polskaj defenzyvaj. U traŭni 1928 h. na «Pracesie 56-i» zasudžany na 12 hod źniavoleńnia pa abvinavačańni ŭ sprobie dziaržaŭnaha pieravarotu z metaj dałučeńnia Zachodniaj Biełarusi da Savieckaha Sajuzu. Paśla termin źniavoleńnia byŭ źmienšany da 8 hadoŭ, a ŭ traŭni 1930 hodu Taraškievič pavodle rasparadžeńnia prezydenta Polščy byŭ daterminova vypuščany z astrohu. Aktyŭna dałučyŭsia da kamunistyčnaj vybarčaj kampanii ŭ polski parlament, uznačalvaŭ prakamunistyčny vybarčy kamitet Biełaruskaha sialanska-rabotnickaha pasolskaha klubu «Zmahańnie». Žyŭ u Hdańsku.
         5 lutaha 1931 h. aryštavany polskimi ŭładami pry sprobie prajechać praz polskuju terytoryju z Hdańsku ŭ Berłin. U łistapadzie 1932 h. zasudžany na 8 hod kataržnaj turmy. Z vieraśnia 1933 h. ŭ abmien na aryštavanaha savieckaj uładaj Franciška Alachnoviča pierajechaŭ u SSSR. Pracavaŭ zahadčykam addziełu Polščy j Prybałtyki ŭ Mižnarodnym ahrarnym instytucie (Maskva). 6 traŭnia 1937 h. aryštavany pa abvinavačańni ŭ sfabrykavanaj spravie tak zvanaha «Biełaruskaha nacyjanalnaha centru». 5 studzienia 1938 «dvojkaj» NKVD i Prakuratury SSSR pryhavorany da rasstrełu. Reabiłitavany Vajennaj kalehijaj Viarchoŭnaha sudu SSSR 26 studzienia 1957 hodu.
         Vystupaŭ u biełaruskim druku z 1914 hodu. U 1918 hodzie, pracujučy zahadčykam kulturna-aśvietnaha addziełu Biełnackamu, padrychtavaŭ i vydaŭ u Vilni, u viadomaj vilenskaj drukarni Maksyma Kuchty, pieršuju «Biełaruskuju hramatyku dla škołaŭ». U joj aŭtar abahulniŭ i zamacavaŭ piśmovyja tradycyi, što składałisia ŭ toj čas u vydańni mastackaje, navukova-papularnaje j pubłicystyčnaje łitaratury, u piśmovym druku; ułičyŭ zdabytki tahačasnaje łinhvistyčnaje navuki (daśledvańni A. A. Šachmatava, Ja. F. Karskaha) i dośvied papiarednikaŭ. Hramatyka paśla vytrymała 6 pieravydańniaŭ, atrymaŭšy nazoŭ «taraškievica».
         Pierakłaŭ na biełaruskuju movu «Iłijadu» Hamera i «Pana Tadevuša» Adama Mickieviča.
2009–2020. Biełaruś, Miensk.