Ірына Міхайлаўна Котава нарадзілася 17 лістапада 1976 г. у Мінску.

У 2002 г. скончыла Беларускую дзяржаўную акадэмію мастацтваў, аддзяленне графікі.

З 2002 г. – член Беларускага саюза мастакоў.

У 2003–2007 гг. вучылася ў Свята-Сергіеўскім праваслаўным тэалагічным інстытуце ў Парыжы (Францыя), па заканчэнні якога атрымала ступень ліцэнзіята тэалогіі.

У 2009 г. абараніла магістарскую дысертацыю па тэме «Візантыйская традыцыя іканаграфіі Уваскрэсення ў інтэрпрэтацыі старажытнарускіх іканапісцаў XIII–XIV стагоддзяў» у навукова-даследчым інстытуце Сарбоны.

Працуе ў галіне станковага жывапісу, графікі.

З 1990 г. – удзельніца рэспубліканскіх і міжнародных мастацкіх выставак і пленэраў. Сярод іх: міжнародная выстаўка ў Атаве (Канада), 1994; міжнародная выстаўка «Alberobello arte» у Альберабела (Італія), 2004; персанальная выстаўка ў Чарльстане (Паўднёвая Караліна, ЗША), 2005; персанальная выстаўка ў Пасольстве Рэспублікі Беларусь у Парыжы (Францыя ), 2007 і інш.

26 лістапада 2010 г. ў Весмінстэрскім абацтве ў Лондане (Вялікабрытанія) адбылася прэзентацыя першага англамоўнага варыянту кнігі «Гутарка прападобнага Серафіма Сароўскага з М. Матавілавым» з ілюстрацыямі Ірыны Котавай.

У снежні 2010 - студзені 2011 г. у Нацыянальным мастацкім музеі Рэспублікі Беларусь у Мінску ўпершыню была прадстаўлена парыжская серыя твораў Ірыны Котава на яе персанальнай выставе «Прагулкі па Парыжу».

З 31 сакавіка па 26 красавіка 2011 г. кампазіцыі, выкананыя Ірынай Котавай у рамках яе мастацкага праекту «Уяўны Парыж» - ажыццёўленага пры пры ўдзеле Міністэрства культуры Рэспублікі Беларусь, Пасольства Рэспублікі Беларусь у Францыі і Пасольства Францыі ў Рэспубліцы Беларусь, а таксама ГА "Беларускі саюз мастакоў" - экспанаваліся разам з творамі іншых беларускіх аўтараў на выставе «Вяртанне да рамантызму» ў Нацыянальнай бібліятэцы Рэспублікі Беларусь.