Здавалася б, у гэтай імпрэзе спалучылася вельмі шмат чаго: блюз, сцімпанк, прэзентацыя відэа, аўдыяпрэм’еры, аўтарскі рэпертуар з рэтра стылізацыямі, сучаснае выкананне хітоў стогадовай даўніны. Але варта толькі разабрацца, хто і за што адказвае, -- і навамодная тэрміналогія разам з архаічнымі паняццямі выстройваюцца ў ідэальны парадак.
Адбывалася ўсё прыкладна так: Вольга Акуліч прыдумала свой “Халодны блюз”, запісала яго на студыі з гуртом “Верасень”, рэжысёрка Насця Докшына стварыла анімацыйны кліп. Стварыла яго ў сцімпанкаўскай стылістыцы – з прыўкраснай гераіняй пасярод ільдоў з шасцяронкамі і колцамі замест Паўночнага Ззяння.
Далей -- справа тэхнікі: утульная зала “Мир кофе”, прыгожая афіша, якая запрашае на прэзентацыю кліпа 25 верасня бягучага года, інтэрнэт-абвесткі пра склад удзельнікаў (Вольга Акуліч з гуртом, спецыяльныя госці -- Наталля Нікіціна, Юры Несцярэнка, Дзяніс Балахонаў), камплект апаратуры на невялічкай сцэне, здольны агучыць акустычную версію “Верасня”.
Усё. Далей трэба ці прысутнічаць на прэзентацыі, ці, як варыянт, чытаць пэўную колькасць гэтых радкоў, разглядаючы ўдзельнікаў ды антураж на фотаздымках. Але ж асабістую прысутнасць нічым не заменіш, асабліва калі акрамя вышэйпазначаных выступаў, напрыканцы канцэрта чакае яшчэ і паўнавартасны джэм.
Фота 1. Лірычна-акустычны “Верасень”.
Фота 2. Арцём Лабін – адзін з асноўных удзельнікаў запісу “Халоднага блюзу”.
Фота 3. Новая ўдзельніца Насця Броўда грае ў “Верасні” адносна нядаўна. Але як грае!..
Фота 4. Насця Докшына спачатку хавалася ад фотакамер.
Фота 5. Сфатаграфаваць рэжысёрку ўдавалася толькі шляхам своеасаблівых маніпуляцый, напрыклад, такім вось чынам.
Фота 6. Але ж пазней, у сцімпанкаўскім убранні маладая зорка выглядала выдатна.
Фота 7. Дарэчы, усе на гэтай імпрэзе выглядалі на ўзроўні. А вось у Вікі Трэнас можна было заўважыць на ланцужку яшчэ і адмысловы сцімпанкаўскі аксесуар – гадзіннік у форме электрагітары.
Фота 8. Арцём і Насця.
Фота 9. Лепшыя фатографы ўважліва слухалі тое, што гучала са сцэны.
Фота 10. Сапраўдная падтрымка – рэальны фан-клуб.
Фота 11. Наталля Нікіціна.
Фота 12. Маэстра Балахонаў.
Фота 13. Класіка блюзу ў выкананні Дзяніса Балахонава і імправізаванага бэнда.
Фота 14. Джэм.
Фота 15. Па словах Дзяніса, “халодны блюз” на пачатку ператварыўся ў вельмі гарачы напрыканцы.
Фота 16. Найлепшыя гукарэжысёры за працай.
Фота 17. Свет сцімпанка.
Фота 18. Святло настрою.
Фота 19. Натхняльніца свята Вольга Акуліч.
Падрыхтаваў матэрыял К. Астражэвіч
Фота Яўгена Усцінава, tut.by
01.10.2014
