 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Čarnabieł
Vieršy
|
źbieh z budy sabaka
šukać
maćniejšy
łancuh
10.IV.1991
|
urešcie ŭsio roŭna
čym źviazvać ruki
kalučym drotam
ci čajnaju ružaju
23.IX.1991
|
Ja čytaje hazetu.
I ty čytaješ hazetu.
I jon čytaje hazetu.
My siadzim pobač.
My nia chodzim u kaaperatyŭnyja
prybiralni.
3.III.1991
|
kupicie kamputar!
cudoŭny kamputar!
łahodny kamputar!
razumny kamputar!
“Kapitałizm – heta Savieckaja ŭłada
plus kamputaryzacyija ŭsioj krainy!”
łiryčny adstup
u prahramie Bejsyka:
na kałhasnym dvary
zaŭtra zdochnie
apošni koń.
11-12.IV.1991
|
ranicoju jon čysta hałiŭsia
padrazaŭ achajnieńka vusiki
i nios u lambard
zakładvać
čarhovaje pierakanańnie
niama bolš śmiardziučaj rečy
jak bočka z nadpisam
“ŚVIeŽAJa RYBA”
7.VIII.1991
|
u Krainie Ślapych
zalapicie vočy
plastyłinam!
bo ŭ Krainie Ślapych
aślaplalna
biazdonnaje
nieba
6.VIII.1991
|
kałi na hramadzkim śmietniku
zapiščyć
pacuk-nienažera
jaki
nie prasunie ŭ ščyłinu
zasilenaha kata
kinusia
šukać chvalu
Karaleŭstva Myšynaje Mituśni –
niajnakš
pałityčnaja
pravakacyja
10.IV.1991
|
hałodny
źjeŭ na viačeru
hazetu
minanosiec u straŭniku
rasstralaŭ dziciačyja cacki
nacyjanalny kanfłikt
na hlebie kučaravaści vałasoŭ
abdzior da kryvi
kiški
naftavaj adryžkaj
dało ŭ nos
bratańnie ŭśmiešłivych karalkoŭ
i ŭ horle zachras kamiak
sumlennaj chłuśni
praŭdalubcaŭ
10.VIII.1991
|
z punktu A ŭ punkt B
vyciekłi dźvie truby
biarozavik
pachnie
humaju
kolki
zavorana
kinutych kambinezonaŭ
u zabetavany plac?
zaŭtra ŭzyjduć humovyja pałyny
z punktu A ŭ punkt B
pa ściokavych trubach
vyciakaje
biełaja kroŭ…
28.IX.1991
|
na paciechu
dzietkam
apuchłym ad stroncyju
dzieciuki ŭ pilčakach «Moskvašvieи»
topiać u łužynie
kaciania
maleńkaje
ciaŭkaje
zachłynajecca
brudnaju žyžaju
adbivajecca
ŭ hłybokich
uśmiešłivych vačaniatach
«dzietki razumnyja
dzietkam viesieła» –
habluje
čornyja doški
baćka
jaki
bolš nia ŭmieje
płakać.
23.VII.1991
|
telefon
stralaje
słuchaŭka pierahrełasia
by rula
i niemahčyma
advieści ŭbok
zdrańcviełuju ruku
telefon stralaje
maŭčańniem
20.VIII.1991
|
čałavieka
taptaŭ
čaravikami
tvar
čałaviek
śmiajaŭsia
bo
nia viedaŭ
ci dazvolać
śmiaccca
t a m …
15.IV.1991
|
ź dzirkaju ŭ hałavie
tak dobra
abdumvać uradavyja ŭkazy
zahadana:
usim pahałicca
navat žančynam
babulkam
vydać sałdackija boty
tolki 42-ha pamieru
ŭ piasočnicach
pravieści
inventaryzacyju
nasielnictvu (nia błytać z narodam!)
razdać
adnolkavyja vušy
jakija tak dobra pasujuć
da dzirak u hałavie
20.VIII.1991
|
...i pajšoŭ ź nieba vohnienny doždž
...i kinułisia ŭsie ŭ branavany łaz
...i zastałisia na ziamłi troje
apalenych
a ranicoju
padniałi ich na ratušu
adłamałi na hadzińniku strełku –
doŭžyłi
chviłinu žałoby
spuściłisia
panieśłi pa vułicach
i
«tysiača sto sorak pieršaja»
trymałi źłičvo
padmalavanych ślozaŭ
rušyłi pa kalcavoj darozie
...i pieršuju jaminu piasok zaciarušyŭ
...i zharnułasia ŭ druhoj vužaka
...i plavałi ŭ trejciuju
pustavokija dałakopy
27.IX.1991
|
čarviak abžersia
zrabiłi pramyŭku straŭniku
nie ačuniaŭ
uviałi fizijalahičny rastvor
jašče horš
užyłi elektrašok
zdryhanuŭsia
i…
pachavałi z pašanaju
salutavańniem
raźvitalnaj pramovaju
pastaviłi maŭzalej
marmurovyja płity žare
novy
čarviak.
20.VIII.1991
|
praz sorak hadoŭ
pačnuć prystavać unuki
dziedu raskažy
ab dziŭnym časie
pierabudovy
moŭčki
dam patrymać im
u kvołych rukach
humovy dubiec
z dvuma rabočymi kancami
11.IV.1991
|
U pakinutym horadzie,
abhryzienym žamiaroju,
chutajecca na skraźniaku
čałaviek-pomnik.
Vołka…
27.IX.1991
|
jon
nadzienie na hołaŭ
trochłitrovik
budzie chadzić pa horadzie
klenčyć miłaścinu
«dajcie
byłomu kasmanaŭtu na charč
prapadaju
by ladaščy sabaka»
uviečary jon pamre
trochłitrovik
pakocicca pa bruku
raskolecca
ladaščy sabaka
budzie doŭha niuchać
askiepki
22.VII.1991
|
navat dzieci
ŭmiejuć chłusić
navat dzieci…
15.IV.1991
|
Na sałamiany dach
zakaciłasia koła.
Ja nia moh adhadać, čyj śmiech,
by samotnik,
chavaŭsia ŭvieś ranak
u studni…
Radyjo pieradało:
«U kopach
kandensujecca pamiać.
Tamu praces naradžeńnia cialaci
niemahčyma źniać
z kaśmičnaha spadarožnika».
I ŭspychnuła zhasłaja dziedava lulka,
zakureŭ zarosły padvorak,
i pajšoŭ pazaletašni śnieh…
9.V.1991
|
U łipieńskuju śpiakotu,
kałi raspłaviacca by plastyłin
keramičnyja izalatary
na słupach vysokaj napruhi,
na tvaich vusnach
budzie błiščeć
kropla biełaha
dźmuchaŭcovaha małaka,
jakoju
ja ŭvaskrašu
harkavuju smahu
žadańnia.
10.V.1991
|
Znoŭ nia šluć časapisy dziakło...
Paštaljon, jak i viecier, prynosić
tolki šmatki
vosieńskaha tumanu.
Znoŭ kułamiesy ŭ našych stałicach…
Ja vychodžu na plac,
dzie spyniajecca apošni aŭtobus.
U ciemry salonu –
tolki šorhat
skamiečanych hazetaŭ i tvaraŭ.
Znoŭ chałodny, kasy chvošča doždž...
Ja błukaju pa vułicach,
błytajusia ŭ padjezdach,
zachodžu ŭ čužyja kvatery.
Doŭha, mokry, staju ŭ kałidorach,
ale mianie nichto nie zaŭvažaje.
Znoŭ treba viartacca.
Admykaju zamok,
pierakulvaju kresła i čuju:
«Nie zapalvaj śviatła...»
1990
|
«Tavary ŭ kredyt dla pramachadziačych».
«Inkubatar pazyčak».
«Pieravozka kapryzaŭ».
«Punkt pryjomu dyvanovaha pyłu».
«Ślozy marožanyja».
Biaskonca pranosiacca pierad nami furhony,
kałi my staim
pa roznych bakach
pustelnaj vułki…
27.IX.1991
|
da Paeta padmanutych
pryjšła dziaŭčyna
chacieŭ pryśviacić joj vierš
dy nie znajšoŭ
patajnych try huzički
Mastak zaplavanych vułicaŭ
całavaŭ kamień
chacieŭ vymaścić brukavanku
da nieba
dy źbiŭ małatkom paznohać
Džazmenu apuściełych kaviarniaŭ
zamoviłi ŭvaskrasić
melodyju žalby
chacieŭ zaharnucca ŭ Turynskuju płaščanicu
dy jaje razadrałi
na anučy kaleki
i pajšoŭ Paet pa vino
i paciohsia Mastak u bardel
i zajhraŭ Džazmen
na saksafonie pryciemku
VIII.1991
|
Niedzie ŭ rajskich sadach
hnijuć na hałinach
syntetyčnyja jabłyki.
29.IX.1991
|
|
Špacyr z kavałkam sonca ŭ vosieński dzień
|
dźvie babulki futbolać
blašanku
padhałisty akularyk
źniaŭ kapialuš
pavutu
da paloŭ pryčapiŭ
kavalera
nie zaŭvažyłi
spakuśłiva strunkija nohi
jakija
ŭsio dalej usio dalej
usio pryvabniej…
za šorhatam mini-spadničak
paluje
śpičastaje łiście klonaŭ
zaŭtra
pakinie šyldu «Pradukty»
i ŭzmyje za vyrajem ptušak
uźniosłaja łitara «P»…
27.IX.1991
|
jana ŭklučaje hazavuju płitu
praciraje vakno
ŭzirajecca ŭ vosień
pa šybie marudnymi kroplami
saśłizhajuć chviłiny
šaraść
za vaknom
na łaŭcy ŭ klačastaj kiapurcy
siadzić
Nieruchomy
ciažeje anuča
niakranuty pačak siarničak
na padvakońni
29.IX.1991
|
z honaram hinie harbatnik
paiŭ mora
ziołkami
mora źmiejaniaciami čchała
ŭdziačnaje
łaščyła bok
mužłanu z karvetu «Pytalnik»
viarhini płyłi
ŭ zialonaje nieba
čornaje
raźjatranaje
na niebie niesupadzieńniaŭ
vypadzie Zero
z honaram hinie
harbatnik
zachłynajecca ŭ mory…
22.IV.1991
|
Pa paniadziełkach –
polskuju parfumu.
Pa aŭtorkach –
sobskija hurki.
Pa sieradach –
dziravyja pančochi.
Pa čaćviarhach –
prahorkłyja čakalady.
Pa piatnicach –
zamorskaje vino.
A pa subotach –
ajčynnuju erotyku.
U niadzielu na kirmašy
pradajuć što zaŭhodna.
A ja staju z pustymi kišeniami
i hublaju nadzieju
pamianiać uśmiešku źniaviercy
na zabytyja huki vijoły.
23.VII.1991
|
ptušynym małakom u harščečkach
štodnia častujemsia z kralaju
smak! čmok! čmiak!
vieraščyć mechaničny hrak
fjuś! śviś! ka-ar!
ježahatavalny kambajn
adčynić bar
padrychtuje kaktejl
terminovych abjaŭ
«mianiaju
zbor svaich tvoraŭ
na šafu z čortam –
majstram hulni ŭ “sportłato”»
«Nadakučyła ŭsio!
Kuplu pistalet.»
dy nie pradaść nichto…
27.IX.1991
|
|
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
