РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Фотарэпартаж «Зіма. Сумоўе. Музыка»
3 снежня на галоўнай пляцоўцы паэтычнага тэатра Арт С., у бібліятэцы імя Цёткі адбылося музычнае “Сумоўе”. Гэта назва сумеснага канцэрту Яраша Малішэўскага і Вадзіма Клімовіча. Іх выступы, музычныя і апавядальныя (Яраш — гід і музыка серыі вандроўна- эстэтычных праектаў “7 цудаў Беларусі”, Вадзім — іх сувядоўца), сталі традыцыйнымі для рэгулярных імпрэзаў тэатра. Але нарэшце творцы аб’ядналіся, каб у музычным дыялогу прадставіць лепшыя свае творы.
 
Прагучалі песні, напісаныя аж 10-15 гадоў таму, якія не страцілі, аднак, сваёй актуальнасці і меладычнасці, а таксама новыя творы. Калыханка Яраша і нечаканыя рок-элементы ад Вадзіма, песні на словы класікаў і сучасных творцаў, сярод якіх — Людміла Рублеўская, Аксана Спрынчан, Рагнед Малахоўскі… Вечар атрымаўся натхнёным і па-сяброўску цёплым, а музычнае хараство дапоўніла снежны зімовы пейзаж за вакном.
Фота Юліі Новік
Вадзім Клімовіч.
Фота Юліі Новік
Фота Юліі Новік
Яраш Малішэўскі
Фота Юліі Новік
Фота Юліі Новік
У Яраша і Вадзіма розная тэхніка выканання, але тым і цікавы быў іх дуэт
Фота Юліі Новік
Фота Юліі Новік
Яраш адзначыў пасля, што атрымаў вялікае задавальненне, чакаючы сваёй чаргі на выкананне і слухаючы Вадзіма.
Фота Юліі Новік
Фота Юліі Новік
Фота Юліі Новік
Нават медыятар не вытрымаў музычнага запалу Вадзіма Клімовіча і знік у гітарных “нетрах”.
 
Яраш скончыў сваё выступленне французскай версіяй “Купалінкі”, што стала сюрпрызам для публікі.
Фота Юліі Новік
Аксана Спрынчан, якая ўвесь вечар адсочвала цікавыя кадры як фатограф, таксама атрымала вершаваную паштоўку за натхненне, якое яе вершы прыносяць музыкам.
Фота Юліі Новік
Падчас імпрэзы адзін госць нават паспеў прыдумаць вершаваныя пажаданні кожнаму выступоўцу і падарыў іх на прыгожых паштоўках, уражаны мілагучнасцю беларускай мовы.
 
Сярод слухачоў былі сябры тэатра і выступоўцаў і чытачы бібліятэкі, калегі-экскурсаводы Яраша Малішэўскага Альберт Французаў і Ян Мяльніцкі.
 
Скульптар Мікола Дробыш пажадаў Ярашу і Вадзіму, каб іх песні заўсёды ішлі ад душы і яе напоўненасці.
Фота Юліі Новік
Удзельніца тэатра Вольга Абразцова (на фота), якая шчыруе з фотаапаратам (і на сайце www.art-s.by ), з дапамогай Вадзіма праградуіравала свой незвычайны падарунак – свісцелку, набытую ў Барысаве, якая здзівіла ўсіх сваімі амаль салаўінымі трэлямі.
Фота Юліі Новік
Гаспадыня бібліятэкі Рэгіна Багамолава
Фота Юліі Новік
Гледачы ў роздуме
Фота Юліі Новік
Пастаянныя ўдзельнікі і наведвальнікі праектаў паэтычнага тэатра Арт С. Мікола Кандратаў і Таццяна Пратасевіч з Аксанай Спрынчан, кіраўніком і галоўным “натхняльнікам” тэатра Арт С.
Фота Юліі Новік
Дызайнер Святлана Длатоўская і Аксана Спрынчан у “каралях” ад Святланы і з прычоскай ад Наталлі Мітраховіч.
Фота Юліі Новік
“Светлае і чорнае” – Аксана Спрынчан і яе сястра Алёна.
Фота Юліі Новік
Сцэна без саміх музыкаў, на якой гітары вось-вось ажывуць у руках майстроў.
 
Застаецца пажадаць творцам натхнення і з’яўлення новых песень і новых канцэртаў!
Фота Юліі Новік
2009–2020. Беларусь, Менск.