РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Я і воля мая
Мы радзілісь на сьвет –
Я і воля мая;
Шчыра нас прыняла
Ўся людская сям'я.
 
Мы расьлі удваём –
Я і воля мая;
Небу міла было,
Мела радасьць зямля.
 
Мы жывём удваём –
Я і воля мая;
Воля песьні пяе,
Разумею іх я.
 
Толькі ўмром не ўдваём –
Я і воля мая;
Я памру, – воля век
Не пакіне жыцьця!
 
1909
 
 
 
 
Падабаецца     Не падабаецца Водгукі
2009–2019. Беларусь, Менск.